ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ប្រធានាធិបតីចិន ស៊ី ជីនពីង បញ្ជាក់ជាថ្មីពីការប្តេជ្ញាចិត្តចំពោះកម្ពុជា ក្នុងដំណើរបំពេញទស្សនកិច្ចផ្លូវរដ្ឋ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ប្រធានាធិបតីចិន ស៊ី ជីនពីង បញ្ជាក់ជាថ្មីពីការប្តេជ្ញាចិត្តចំពោះកម្ពុជា ក្នុងដំណើរបំពេញទស្សនកិច្ចផ្លូវរដ្ឋ |

នាយករដ្ឋមន្ត្រីថាមានគោលនយោបាយ៣ ធ្វើឲ្យកម្ពុជាកាន់តែមានតម្លៃ

  • ចុះផ្សាយថ្ងៃទី០៧ ខែវិច្ឆិកា ឆ្នាំ២០២៣ ម៉ោង ០៩:២៨ នាទី ដោយ Hun Sirivadh
  • 1779
  Aa |   aA

ព្រះសីហនុ៖ នាយករដ្ឋមន្ត្រីកម្ពុជា សម្ដេចធិបតី ហ៊ុន ម៉ាណែត បានលើកឡើងអំពីគោលនយោបាយ៣ ដែលធ្វើឲ្យប្រទេសកម្ពុជាអាចទាក់ទាញអ្នកវិនិយោគនិងកាន់តែមានតម្លៃ។

ថ្លែងនៅក្នុងជំនួបជាមួយនឹងកម្មករជាង ១ម៉ឺន ៥ពាន់នាក់នៅក្នុងស្រុកព្រៃនប់ ខេត្តព្រះសីហនុ សម្ដេចធិបតី ហ៊ុន ម៉ាណែត បានលើកឡើងថាគោលនយោបាយ៣ ដែលកម្ពុជាកំពុងអនុវត្តបានត្រឹមត្រូវគឺ បញ្ចប់សង្គ្រាម សេដ្ឋកិច្ចបើកចំហរ និងការទូតត្រឹមត្រូវ។

សម្ដេចបានពន្យល់ថាការបញ្ចប់នៅសង្គ្រាមធ្វើឲ្យប្រទេសមានសន្តិភាព ខណៈដែលកម្ពុជាព្យាយាមបើកចំហសេដ្ឋកិច្ចរបស់ខ្លួនបន្ថែមទៀតដែលបានទាក់ទាញអ្នកវិនិយោគនិងបើកចំហរទីផ្សារជូនប្រជាពលរដ្ឋ។

សម្ដេចបានបន្ថែមថា គោលនយោបាយមួយទៀតដែលសំខាន់គឺជាគោលនយោបាយការទូតដែលត្រឹមត្រូវដែលប្រទេសកម្ពុជាមិនយកប្រទេសណាមួយជាសត្រូវនោះទេ ភាពត្រឹមត្រូវនៃការទូតនេះហើយធ្វើឲ្យកម្ពុជាអាចនាំចេញនូវផលិតផលទៅបណ្ដាប្រទេសនានាដោយគ្មានការរារាំង។

សម្ដេចថា៖ «គោលនយោបាយការទូតសំខាន់ណាស់! យើងនាំចេញទំនិញទៅអឺរ៉ុប ទៅមជ្ឈឹមបូព៌ា ទៅអាស៊ាន អត់មានយកប្រទេសណាមួយជាសត្រូវទេ។ ទោះជាពលរដ្ឋយើងទៅប្រទេសណាមួយក៏យើងអត់មានយកប្រទេសណាជាសត្រូវដែរ»៕


ព័ត៌មានជាច្រើនទៀតសម្រាប់អ្នក